Eth Parlament represente ath pòble de Catalonha. Ei un des centres dera vida politica, a on se debaten es ahèrs publics e se prenen decisions qu'afècten ath dia a dia des ciutadans. Ei constituït per ua cramba unica, integrada per 135 membres, que son elegidi democraticament damb un sistèma de representacion proporcionau.

Es fondaments dera institucion parlamentària en Catalonha se remonten ara edat mieja, damb es assemblades de patz e trèva e era Cort comtau.

Trobaratz mès informacion en web www.parlament.cat.

Visitatz eth Parlament

Vos convidam a visitar era sedença d'un des parlaments mès antics deth mon.

Reservatz eth dia e era ora que mès vos convenguen, e un guida especialista vos acompanharà pes espacis mès emblematics deth palai, vos descorbirà era istòria dera bastissa e vos explicarà es foncions deth Parlament.

Es visites:

  • S'an de reservar damb ua anticipacion de, aumens, dus dies de trabalh.
  • Son gratuïtes.
  • An ua durada de quaranta cinc minutes.
  • S'aufrissen en diuèrses lengües.
Hemicicle